Kapag ang isang ngipin ay nabali, may malaking lumang pasta, o lubhang nasira dulot ng pagkabulok, maaaring irekomenda ng inyong dentista ang paglalagay ng isang "jacket” (crown) o cap. Pinapatibay at pinoprotektahan ng jacket(crown) ang mga natitirang bahagi ng ngipin at maaaring pagandahin ang anyo ng inyong ngiti. Nabibilang na sa mga uri ng jacket ay ang buong porselanang jacket, ipinaghalong porselana at metal na jacket, at ang buong metal na jacket.
Ang pagsasaayos ng jacket ay nangangailangan ng hindi bababa sa dalawang pagbisita sa opisina ng dentista. Sa simula, ang dentista ay:
Tinatanggal ang mga bulok, inihahanda at hinuhubog ang ngipin.
Gumagawa ng bakas.
Gumagawa at isinusukat ang isang pansamantalang jacket na gawa sa plastik o bakal.
Sa susunod na pagbisita, ang dentista ay: Tinatanggal ang pansamantalang jacket, isinusuot at inilalapat ang huling jacket, at pipapastahan upang maayos sa posisyon ang jacket.
Ang ilang mga pangyayari ay may matinding epekto sa kalusugan ng ngipin at sa personal na anyo kaysa sa kawalan ng ngipin. Kapag may isa o higit pang ngipin ay kulang, ang natitirang mga ngipin ay maaaring mawala sa mga posisyon nito, na mapapatungo sa pagbabago ng pagkagat, ang mga karagdagang pagkawala ng mga ngipin, pagkabulok, at sakit sa gilagid.
Sa pangyayari na mawalan ng ngipin, maaaring irekomenda ng dentista ang paglalagay ng isang bridge. Kapag naglalagay ng bridge, ang mga ngipin (mga katabi) sa parehong gilid ng pagitan ay natatakpan ng mga jacket (caps/retainers), at isang artipisyal na ngipin (pontic) ay idinidikit sa mga jacket.
Sa umpisa, inihahanda ng dentista ang ngipin sa bawa't bahagi ng pagitan upang malagyan ang mga jacket at gumagawa ng bakas sa buong bahagi.
Isinusukat ang isang pansamantala o nababagong bridge gawa sa plastik o bakal.
Sa susunod na pagbisita, ang dentista ay: Tinatanggal ang pansamantalang bridge, inilalagay, inaayos, at ipinapasta ang permanenteng bridge.
Find us on Facebook