Crest Oral-B Patient Education Root Canal Treatment

Patient Education

mga posibleng palatandaan ng isang paggamot sa root canal

Kung ang chamber ng inyong nerbiyo (nerve chamber) ay nahawahan ng pagkabulok, o nasira sanhi ng trauma, kadalasan na ang paggamot sa root canal ay ang nag-iisang paraan upang maligtas ang inyong ngipin

Sa loob ng matigas na parte ng panlabas ng punlo ng bawa’t ngipin ay mayroong isang natatanging lugar na tinatawag na ubod o chamber ng nerbiyo (nerve chamber). Ang chamber ng ubod (pulp chamber) ay naglalaman ng isang sistema ng mga daluyan ng dugo, daluyan ng lymph at mga nerbiyo, ang ubod, na pumapasok mula sa buto sa pamamagitan ng mga root canal. Ang sistemang ito ay nagbibigay ng sustansiya para sa mga selula na matatagpuan sa loob ng ngipin.

Ang malalim na pagkabulok ng ngipin o iba pang mga kapinsalaan ay puwedeng magdulot ng sira o impeksiyon ng ubod ng ngipin. a isang paggamot sa root canal o paggamot na endodontic, tinatanggal ng dentista ang nasira o naimpeksiyon na ubod at pinapalitan ito ng isang espesyal na pasta na nakatutulong na panatilihin ang natitirang balangkas ng ngipin.

Ang kusang pagsakit o pagkirot habang kumakagat.
Pangingilo sa maiiinit at malalamig na mga pagkain.
Malubhang pagkabulok o isang pinsala na naglilikha ng pamamaga (impeksiyon) sa buto.

PAMAMARAAN

Hakbang 1 Pagkatapos malagyan ng anestesya ang ngipin, isang butas ang ginagawa sa pamamagitan ng jacket (crown) papunta sa chamber ng ubod.	Hakbang 2 Inaalam ang haba ng root canal.	Hakbang 3 Tinatanggal ang hindi malusog na ubod. Ang mga kanal ay nililinis,pinapalaki at hinuhubog.
Hakbang 4 Ang mga kanal ay pinapastahan at tinatakpan. Maaaring dagdagan ng isang metal na tukod para magbigay ng suporta sa balangkas o upang mapanatili ang mga materyal na nagpapanumbalik sa dating kalagayan.	Hakbang 5 Ang ngipin ay tinatakpan gamit ang isang pansamantalang pasta. Karaniwan, ang ginto o porselanang jacket (crown) ay nagbibigay ng karagdagang proteksyon.
Ang materyal na ginagamit upang pastahan ang inyong root canal ay malamang tumagal habambuhay, pero maaaring sa paglipas ng panahon, ang pasta o jacket (crown) ay kinakailangang palitan. Siguraduhing masusunod ang espesyal na mga instruksiyon na pag-aalaga sa bahay na ibinigay ng inyong propesyonal na tagapangalaga ng ngipin.

Find us on Facebook

Terms and Conditions | P&G Privacy Statement